RSS Feeds

feed-image Feed Entries

online visitors

We have 10 guests and no members online

Site Info

Articles View Hits
190307

అహ నా పెళ్ళంట - లక్ష్మీపతి

ఆదివిష్ణు రాసిన 'సత్యం గారి ఇల్లు ' కధ/నవల లోని సత్యం పాత్రనే లక్ష్మీపతి గా మార్చారు.ఆ పాత్రలో కోట శ్రీనివాసరావు నిజంగా జీవించారనే చెప్పాలి.

లక్ష్మీపతి పాత్రను తొలుత రావుగోపాలరావు చేత వేయించాలనుకున్నారు.లుక్ పరంగానూ,నేటివిటీ పరంగానూ ఆయన కరక్ట్ కాదేమోనని ఎవరో సందేహం వెలిబుచ్చటంతో జంధ్యాల కోటను ఎన్నుకున్నారు.అప్పటికి కోట సినిమా ఫీల్డ్ కొచ్చి  రెండేళ్ళు అవుతోంది.


సినిమాల్లోకొచ్చేముందు కోట స్టేట్ బ్యాంక్ ఆఫ్ ఇండియా లో ఉద్యోగం చేస్తూ తీరిక దొరికినప్పుడల్లా నాటకాలు ప్రదర్శిస్తూ ఉండేవారు.జంధ్యాల "అమరజీవి" సినిమా చేస్తున్నప్పుడు సరదాగా కోట తో ఓ వేషం వేయించారు. అక్కినేని ఇంటి ఓనర్ పాత్రలో కనిపిస్తారాయన.కోటకి నటునిగా తొలి చిత్రం "ప్రాణం ఖరీదు".ఆ సినిమా తర్వాత చాలా గ్యాప్ తో అమరజీవి లో నటించారు.తర్వాత బాబాయ్ అబ్బాయ్ లో కూడా ఓ పాత్ర పోషించారు.

Read more...

పడమటి సంధ్యారాగం సినిమా - ముద్దుగారే యశోద

పడమటి సంధ్యారాగం సినిమాలో "ముద్దుగారే యశోద" అన్న పాట వెనక ఒక ఆసక్తికరమైన కధ ఉంది. అమెరికాలో ఈ చిత్రం బాగోగులు చూసుకునే వారికి ఓ బాబు ఉన్నాడు.ఆ బాబు జంధ్యాల దృష్టిని ఆకర్షించాడు.ఆ అబ్బాయిని చిన్ని కృష్ణుడిలా అలంకరించి ఓ పాట చిత్రీకరించాలనుకున్నారు.కానీ ఆ అబ్బాయి అస్సలు సహకరించలేదు.ఫ్లూట్ ఇస్తే విరిచేసేవాడు,అలా చాలా ఫ్లూట్లు విరక్కొట్టేసాడు,నవ్వుతూ మొహం పెట్టు అంటే కెమేరా ఆన్ అయ్యేసరికి వెక్కిరించేవాడు,కెమేరా చిత్రీకరించగలిగే ఫీల్డ్ లోంచి పారిపోయేవాడు,నడుస్తూ రా అంటే దొర్లేవాడు,అలా కొన్ని వందల అడుగుల ఫిల్మ్ ఎక్స్‌పోజ్ అయిపోయింది.జంధ్యాల ఊరుకోలేదు,వాటన్నిటినీ చాలా తెలివిగా ఎడిట్ చేసి 'ముద్దుగారే యశోదా అన్న అన్నమయ్య కీర్తనని జతచేసారు.ఇవాళ ఆ పాటని చూస్తుంటే బాలకృష్ణుడి అల్లరిలా ఉంటుందే తప్ప మరోలా ప్రేక్షకుడికి తట్టే అవకాశం లేదు,అదీ జంధ్యాల సృజనాత్మకత.ప్రేమానుభూతిలో సంధ్య మునిగితేలుతున్న సమయంలోనే ఈ పాట పెట్టడం ఓ గొప్ప ఆలోచన.

జంధ్యాల గురించి వీళ్ళేమంటున్నారంటే

 

ఈ రోజు జంధ్యాల వర్ధంతి. ఆ సందర్భంగా ఆయనతో పరిచయమున్న ప్రముఖులు ఏమంటున్నారో చూడండి

Read more...

సుత్తివేలు మాటల్లో జంధ్యాల

జంధ్యాలతో ప్రయాణం:

'ముద్దమందారం ' సినిమా టైంకి నేను వైజాగ్‌లో చిన్న ఉద్యోగం చేసుకుంటూ చిన్నచిన్న నాటికలు వేసేవాణ్ణి! అదే సినిమాలో భాగంగా ఒక నాటిక ప్రదర్శన నిమిత్తం వచ్చిన నేను, ఆయన దృష్టిలో  పడడంతో, దానిలో నాకు ఒక చిన్న రిసెప్షనిస్ట్ క్యారెక్టర్ ఇచ్చారు. అలా ఆయనతో మొదలైన ప్రస్థానం, నాకు తెలిసి, ఒక్క సినిమా తప్ప దాదాపు అన్ని సినిమాల్లోనూ సాగింది. బిజీగా ఉండి, అమెరికా వెళ్ళలేక పోవడంతో ముందు రెండు సినిమాలు చేయడం మిస్సయ్యాను. ఒకటి - చిన్నికృష్ణుడు, రెండోది - పడమటి సంధ్యారాగం,  కాని ఆ రెండో సినిమాలో కూడా, రెండు మూడు ఆడిటోరియం సీన్స్ ఇక్కడ మద్రాస్‌లో తీసి, అవి సినిమాలో అతికించారు.

Read more...

శ్రీలక్ష్మి మాటల్లో జంధ్యాల

మా నాన్నగారు (హీరో అమర్‌నాథ్) మా చిన్నతనంలోనే చనిపోవడంతో, ఫ్యామిలీ  కొన్ని కష్టాలు ఎదుర్కొంది.  దాంతో నేను సినిమాల్లోకి రావాల్సివచ్చింది. తమిళ్, మళయాళంలో అయిదారు సినిమాల్లో హీరోయిన్‌గా చేశాక, పెద్దగా అవకాశాలు రాకపోవడంతో, 'నివురుగప్పిన నిప్పు' లో మొదటిసారి కమెడియన్ గా చేశాను. తర్వాత జంధ్యాలగారి 'రెండు జళ్ళ సీత ' లో చిన్న అవకాశమైనా వచ్చినదాన్ని వదులుకోవడం ఇష్టంలేక ఒప్పుకున్నాను! కాని, అదృష్టం అనండి, టర్నింగ్ పాయింట్ అనండి... ఒక్క సీన్ చేయగానే, డైరెక్టర్ నా టాలెంట్‌ని గుర్తించి, నా క్యారెక్టర్ని టకటకమని  పొడిగించుకుంటూ పోయారు! ఇక ఆ తరువాత చాలా సినిమాలు చేశాను. 'శ్రీలక్ష్మి బ్రాండ్ ' అనేది ఒకటి క్రియేట్ అయింది.     

Read more...