జంధ్యావందనం

ఎక్కువగా చూచినవి

కొత్తవి

RSS Feeds

Feed Entries

online visitors

Site Info

Articles View Hits: 491851

జంధ్యాలకి డాక్టరేట్ పురస్కారం

Details: Category: వార్తల్లో జంధ్యాల; Published Date; Written by శ్రీనివాస్ పప్పు; Hits: 11411

123 తెలుగు.కాం వారి సౌజన్యంతో

కింద లింక్ లో అసలు వార్త చూడవచ్చు

http://www.123telugu.com/telugu/news/late-director-jandhyala-receives-doctorate.html

అహ నా పెళ్ళంట - లక్ష్మీపతి

Details: Category: టిట్ బిట్స్; Published Date; Written by శ్రీనివాస్ పప్పు; Hits: 6082

ఆదివిష్ణు రాసిన 'సత్యం గారి ఇల్లు ' కధ/నవల లోని సత్యం పాత్రనే లక్ష్మీపతి గా మార్చారు.ఆ పాత్రలో కోట శ్రీనివాసరావు నిజంగా జీవించారనే చెప్పాలి.

లక్ష్మీపతి పాత్రను తొలుత రావుగోపాలరావు చేత వేయించాలనుకున్నారు.లుక్ పరంగానూ,నేటివిటీ పరంగానూ ఆయన కరక్ట్ కాదేమోనని ఎవరో సందేహం వెలిబుచ్చటంతో జంధ్యాల కోటను ఎన్నుకున్నారు.అప్పటికి కోట సినిమా ఫీల్డ్ కొచ్చి రెండేళ్ళు అవుతోంది.

సినిమాల్లోకొచ్చేముందు కోట స్టేట్ బ్యాంక్ ఆఫ్ ఇండియా లో ఉద్యోగం చేస్తూ తీరిక దొరికినప్పుడల్లా నాటకాలు ప్రదర్శిస్తూ ఉండేవారు.జంధ్యాల "అమరజీవి" సినిమా చేస్తున్నప్పుడు సరదాగా కోట తో ఓ వేషం వేయించారు. అక్కినేని ఇంటి ఓనర్ పాత్రలో కనిపిస్తారాయన.కోటకి నటునిగా తొలి చిత్రం "ప్రాణం ఖరీదు".ఆ సినిమా తర్వాత చాలా గ్యాప్ తో అమరజీవి లో నటించారు.తర్వాత బాబాయ్ అబ్బాయ్ లో కూడా ఓ పాత్ర పోషించారు.

పడమటి సంధ్యారాగం సినిమా - ముద్దుగారే యశోద

Details: Category: టిట్ బిట్స్; Published Date; Written by శ్రీనివాస్ పప్పు; Hits: 3481

పడమటి సంధ్యారాగం సినిమాలో "ముద్దుగారే యశోద" అన్న పాట వెనక ఒక ఆసక్తికరమైన కధ ఉంది. అమెరికాలో ఈ చిత్రం బాగోగులు చూసుకునే వారికి ఓ బాబు ఉన్నాడు.ఆ బాబు జంధ్యాల దృష్టిని ఆకర్షించాడు.ఆ అబ్బాయిని చిన్ని కృష్ణుడిలా అలంకరించి ఓ పాట చిత్రీకరించాలనుకున్నారు.కానీ ఆ అబ్బాయి అస్సలు సహకరించలేదు.ఫ్లూట్ ఇస్తే విరిచేసేవాడు,అలా చాలా ఫ్లూట్లు విరక్కొట్టేసాడు,నవ్వుతూ మొహం పెట్టు అంటే కెమేరా ఆన్ అయ్యేసరికి వెక్కిరించేవాడు,కెమేరా చిత్రీకరించగలిగే ఫీల్డ్ లోంచి పారిపోయేవాడు,నడుస్తూ రా అంటే దొర్లేవాడు,అలా కొన్ని వందల అడుగుల ఫిల్మ్ ఎక్స్‌పోజ్ అయిపోయింది.జంధ్యాల ఊరుకోలేదు,వాటన్నిటినీ చాలా తెలివిగా ఎడిట్ చేసి 'ముద్దుగారే యశోదా అన్న అన్నమయ్య కీర్తనని జతచేసారు.ఇవాళ ఆ పాటని చూస్తుంటే బాలకృష్ణుడి అల్లరిలా ఉంటుందే తప్ప మరోలా ప్రేక్షకుడికి తట్టే అవకాశం లేదు,అదీ జంధ్యాల సృజనాత్మకత.ప్రేమానుభూతిలో సంధ్య మునిగితేలుతున్న సమయంలోనే ఈ పాట పెట్టడం ఓ గొప్ప ఆలోచన.

"ఆనందభైరవి" సినిమా (తెలుగు)

Details: Category: సినిమాలు; Published Date; Written by శ్రీనివాస్ పప్పు; Hits: 2776

జంధ్యాలకు వేటూరి "అక్షర సంధ్యావందనం"

Details: Category: వ్యాసాలు; Published Date; Written by శ్రీనివాస్ పప్పు; Hits: 4706

జంధ్యా వందనం

హాస్యం,సంగీతం కలిసి ఒకే జన్మ ఎత్తిన హాసం, నిన్నటి దరహాసం జంధ్యాల ఇతిహాసంలో చేరిపోయి రెండేళ్ళు గడిచాయి.ఎన్నేళ్ళు గడిచినా ఆయన మధుర స్మృతికి మరణం లేదు.ఎంత కాదనుకున్నా కన్నీళ్ళూ కళ్ళతోనే మింగటం కన్నా శరణం లేదు.

తెలుగు సినిమా అపహాస్యం పాలెక్కువై పరిహాస్యం పాలై పోతున్న ఈనాడు జంధ్యాల తన వంశవృక్షంతో సహా దర్శనమిచ్చి ఆదుకుంటాడు. పానుగంటి, కందుకూరి, గురజాడ, చిలకమర్తి, భమిడిపాటి, మొక్కపాటి, మునిమాణిక్యం మొదలయిన శాఖోపశాఖలతో విరాజిల్లే ఆ హాస్య కల్పవృక్షానికి మూల స్థానం లో కూర్చుని "ఫిబరే హ్యూమరసం" అని రస పిపాసులకు తన కలం నించి వెలువడిన హాస్య రస కలశాలను అందించిన తెలుగుజాతి చిరునవ్వు జంధ్యాల.